Khulan Jugder

Илүү сайханд, илүү өндөрт, илүү ихээр тэмүүлнэ
Дагах

Эрэгтэй нь үглэж, эмэгтэй нь дахилт дуулдаг цаг өнгөрчээ



By  Khulan Jugder     10:43 AM    Labels:, 
    Өчигдөрхөн UK CHART сонирхож шилдэг 40 дууг сонслоо. Уг нь би амьд хөгжим, альтернатив, трипхоп.... гээд рок хөгжимд шимтдэг ч, олон урсгал, олон орны дууг харьцуулан сонсох дуртай. Мөн хааяа масстай хамт арилжааны чиглэлийн дуу сонсох нь ч бий. UK CHART-ын 40 сүүлийн үед сонссон бүтээлүүд байсан ч бүгдийг нь тоглуулагчдаа хийж байгаад дарааллаар нь сонсоход өөр л юм. :-) 
   Жагсаалтыг Bruno Mars-ийн Just The Way You Are тэргүүлжээ. Хөгжмийн продьюсерээр гараагаа эхэлж Flo Rida-гийн "Right Round" K'Naan-ы Wavin' Flag дууг хамтран бичилцсэн буржгар үст залуу энэ жилээс B.o.B, Travie McCoy нартай хамтарч дуулах болсноор энэ сард  "Doo-Wops & Hooligans" цомгоо "өлгийджээ". Түүний тухай "The New York Times" сонинд "Ямар ч урсгалд хөрвөх боломжтой Universal Donor" хоолойтой хэмээн бичжээ. Bruno Mars дуулалтын хувьд Майкл Жексон, Элвис Пресли төдийгүй 2Pac-аас ч үлгэр авдагаа дурьдаж байсан удаатай. 
    Британичуудыг байлдан дагуулж буй 40 дууны хоёрдугаарт The Wanted хамтлагийн Heart Vacancy гэх дуу оржээ. Энэ дуу надад ч бас маш их таалагдсан. Английн шинэ залуу boy-band The Wanted хэдхэн хоногийн өмнө анхны цомгоо гаргасан бөгөөд эхний сингль нь Англи төдийгүй Шотланд, Ирланд гээд Британийн арлыг "уяраажээ". 

    Таалагдсан дараачийн дуу бол наймдугаарт жагссан мөн л Британийн уран бүтээлч, реппэр Tinie Tempah-ийн Written in the Stars. Дууны ая, цохилт болон дуучны үглэлт, rhyme нь өвөрмөц, гоё хэмнэлтэй дуу байналээ. Сонирхуулахад, реппэр Tinie-гийн Swedish House Mafia-тай хамтран дуулсан Miami 2 Ibiza дуу долдугаарт жагсчээ.
    Британийн шилдэг 40-ийн есдүгээрт Jay Sean, Nicki Minaj нарын хамтарсан бүтээл 2012 оржээ. Энэ дууг сонсоод хамгийн түрүүнд төрсөн сэтгэгдэл бол эрэгтэй нь үглэж, эмэгтэй нь дахилт дуулдаг хэвшмэл хэлбэрийг эвджээ гэсэн бодол. Орчин цагийн хөгжмийн ертөнцөд эмэгтэй хип хоп дуучны орон зай эзгүйрч байсан ч үүнийг нөхөхөөр гарч ирсэн хүн бол Nicki Minaj хэмээн олон шүүмжлэгчийн бичсэнийг уншсан юм байна. Ер нь Missy Elliot-оос хойш гарч ирсэн дэлхийн хамгийн амжилттай, алдартай эмэгтэй хип хоп дуучин хэмээн түүнийг үнэлж буй юм билээ. Ямартай ч Jay Sean-ий зөөлөн хоолойд эрч хүч оруулан үглэхийг нь сонсох сайхан юм. 

Nicki Minaj
   Жагсаалтын 14-рт байсан Radioactive дуу таалагдахгүй байна гэж үгүй. Учир нь Kings of Leon-ий "ах нар"-ын минь энэ онд сонсогчиддоо барьсан бэлгийнх нь эхний сингль шүү дээ. Америкийн Биллбоард жагсаалтын альтернатив төрөлд тэргүүлж, рок төрөлд 3-рт багтсан байналээ. Сонсоод "доргиод" байхаас өөр яалтай билээ. 
   Нээрэн 26-д Enrique Iglesias Heartbeat дуугаараа оржээ. Сүүлийн үед хөгжмийн урсгал хоорондоо сүлэлдэх болж, тэр дундаа аливаа төрөл чиглал электротой хорших нь их болсон. Энэ
жишгээр Julio Iglesias-ийн удам залгасан дуучин "жаал" электро поп дуулаад шинэ цомгоороо муугүй амжилт үзүүлж байна.
    Төгсгөлд нь сонирхуулахад, 38-рт Flo Rida, David Guetta нарын Club Can't Handle Me багтсан байналээ. Step Up 3 киног үзэж ирээд энэ цоглог хэмнэлтэй дууг оройжин хайж билээ. Тэр үедээ бичлэгийн сайн чанартайгаар олдохгүй байсан юм. Харин одоо бол вуферээ тултал чангалаад, өрөөндөө унатлаа бүжсэн ч болно. =D 

Юмыг яаж мэдэхэв, танд дээрх дуунаас хэрэгтэй бол сэтгэгдэл бичээд үлдээгээрэй. Дуртайяа хуваалцана. :-)

About Khulan Jugder

Khulan Jugder has been working as a freelance journalist for 5 years. She usually writes reviews about films, albums or media and articles about social issues as well.

8 comments:

  1. bi ch barag duunaas holdoj bn doo hehe e

    ReplyDelete
  2. Хэхэ, тэгвэл ойртоод тэр Heart Vacancy гэдэг дууг сонсоорой. Гоё аялгуутай санагдсан. :-)

    ReplyDelete
  3. хөөх янзтай пост байнаа. блогийг постуудыг нийлээд уншлаа. сайн бичих юмаа Амжилт

    ReplyDelete
  4. ysto goe medee bn!!!

    en bruno-n zunduuu goe shine dunud bnaaa. sonsosnu ho?

    sumwhre in Br0000klyn,count on me ntr n bas l yanzin bleeeshd

    :D

    ReplyDelete
  5. BRuno mars-Н улаан фаан шүү дээ этр... Гоё дуучин.. Хүсүүл http://brunomars-mn.blogspot.com ороод үзээрэй :)

    ReplyDelete
  6. Гоё блог байна.

    ReplyDelete